Púlsinn

Púlsinn 14.júlí 2014

Trommarinn Tommy Ramone lést um helgina 65 ára að aldrei en tilkynnt var um andlát hans á facebook síðu hljómsveitarinnar The Ramones. En nú eru allir stofnmeðlimir hljómsveitarinnar Ramones látnir. Fjölmargar hljómsveitir og tónlistarfólk hefur þegar vottað Tommy Ramone virðingu sína í gegnum samskiptamiðla og má þar nefna The Cribs, Guns N‘Roses og Andrew W.K.

Nú hafa meðlimir Radiohead tilkynnt að áætlað er að sveitin hefji upptökur á næstu plötu sinni í september. Hljómsveitin hefur verið í smá hléi undanfarið og hafa meðlimir Radiohead einbeitt sér að ýmis konar hliðarverkefnum síðustu misseri og hafa lítið vilja velta framtið Radiohead fyrir sér. En nú er semsagt komið á hreint að upptökur hefjist í september og ef allt gengur að óskum gætu aðdáendur því fengið nýja plötu í hendurnar á næsta ári.

Hljómsveitin Interpol hélt frábæra tónleika á ATP tónlistarhátíðinni á laugardaginn en þar spilaði hljómsveitin mörg af sínum allra bestu lögum. Ef marka má viðtal við söngvarann Paul Banks hefði hann þó eflaust frekar viljað vera í hljóðveri en á  tónleikunum en hann hefur látið hafa eftir sér að hann vildi óska þess að hljómsveitir þyrftu ekki að ferðast um heiminn til að fylgja plötum sínum eftir. Paul Banks sagði að plötuútgáfa borgaði sig ekki lengur fyrir hljómsveitir og því þyrftu þær að ferðast meira en áður til að fá einhverja peninga í kassann. Hann vildi þó heldur halda sig í hljóðverinu og gefa út þrjár plötur á ári en þeir ættu einfaldlega ekki efni á því.

Tónlistarmaðurinn Neil Young hefur nú ákveðið að fresta fyrirhuguðum tónleikum sínum í Ísrael en tónleikarnir áttu að fara fram þann 17.júlí næstkomandi. Í tilkynningu frá Neil Young kom fram að hann muni snúa aftur til Ísrael og halda tónleikana um leið og þeir semja um frið við Palestínu. Jafnframt tók Neil Young fram að hann hugðist styrja tvenn hjálparsamtök sem kenna börnum í Palestínu og Ísrael að spila á hljóðfæri og spila tónlist saman.

Dagskráin í dag

  • 00:00 - 07:00X tónlist
  • 07:00 - 09:00Morgunþátturinn Ómar
  • 09:00 - 12:00Harmageddon
  • 12:00 - 16:00Ómar Úlfur
  • 16:00 - 18:00Akraborgin
  • 18:00 - 22:00Orri Freyr
  • 22:00 - 23:00Gufuvélin
  • 23:00 - 00:00Straumur

Fylgstu með okkur